مستور محمد الحارثي /شطبت ذكراك
شطبت ذكراك
—————
الشـوق لــك ياحيـاتـي جابـنـي بيـتـك
وانـتـي بكـيـفـك قبـلتي بـــي وهلـيتي
.
واخلصت لك ...في غرامي يوم حبيتك
وانتـي بعـد فـي بدايـةْ حـبـك اوفيتي
.
حسيـت طـعـم السـعادة يــوم لاقيـتـك
وقــلــت يـانـفــس جــالـك ماتـمنيتـي
.
جيتك وكلـي وفـا واخـلاص واهديتـك
قلـب (ن ) بوسطـه . تربعتـي وتعليتـي
.
ويوم ان حبـك ملكنـي زود واغليتـك
من غيـر ذنـب وخطـا عنـي تخليتـي
.
وانــا الــذي لا نسـيـت ولا تناسـيـتـك
انتـي قطعـتـي اتصـالاتك و صديـتـي
.
ناجـاك قلبـي وبـاسـم الـحـب ناديـتـك
وانـتي بـصـدك وهـجـرانـك. تمـاديـتـي
.
مــا المشكـلـة ياحيـاتـي لــو ترجـيـتـك
الـمـشكلـة لا تــرجــيــتـك. تـغــلــيــتـي
.
مـن بـعـد ماعـافـك الخـاطـر وخليـتـك
جيتـي وكنـك نسيتـي ويـش سويتـي
.
لوكان دمعةْ عيونك ....دم ما ارضيتـك
مابرخص النفس لـك دامـك تعاليتـي
.
خـلاص خابـت ظنونـي. بـك ومليـتـك
قلبـي غنـي عنـك يـوم انـك تغانيتـي
.
شطبت ذكراك. مـن. دنيـاي واقصيتـك
والـراس. مـا ينحنـي لـك. لــو ترجيـتي
بقلمي
#مستورمحمدالحارثي
